УЛААНБААТАР ХОТЫН ЦЭВЭР АГААР ТӨСӨЛ САЙЖРУУЛСАН, ЦЭВЭР ШАТАЛТТАЙ ЗУУХНЫ ТУРШИЛТАНД УРЬЖ БАЙНА

Нэмэлт мэдээлэл

Бүлэг: Мэдээ мэдээлэл

Нийтлэгдсэн Friday, 24 May 2013 14:22

Бичсэн Super User

Үзсэн: 0

Монгол Улсын Засгийн газар нь Нийслэлийн агаарын бохирдлыг бууруулах зорилгоор Дэлхийн банкнаас хөнгөлөлттэй зээл авсан бөгөөд НЗДТГ-ийн харьяа Төслийг удирдах нэгж “Улаанбаатар-Цэвэр агаар” төслийг хэрэгжүүлж байна.
Уг төслийн хүрээнд эрчим хүчний хэмнэлттэй, цэвэр шаталттай зуухыг сонгон шалгаруулах туршилтын ажлыг эхлүүлэхээр төлөвлөөд байна. Туршилтанд хамрагдах хүсэлтэй зуух үйлдвэрлэгч нар 2013 оны 5 сарын 22-31-ний хооронд холбогдох материалаа бүрдүүлэн өгч, дараах хаягаар зуухаа авчирч өгнө үү.

Туршилтанд хамрагдах хүсэлт гаргаж байгаа зуух үйлдвэрлэгчид нь доорх шалгуур үзүүлэлтийг хангасан байх шаардлагатай. Үүнд:
1. Туршилтанд хамрагдах зуухны нэр, загвар, үйлдвэрлэгч тодорхой байх.
2. Зуух нь техникийн ерөнхий ажлын зурагтай байх (Гар зураг авахгүй)
3. Зуух нь битүүмжлэл сайтай байж зууханд орж байгаа агаарыг хянах боломжтой байх.
4. Зуух нь халаалтын болон хоол цай хийх боломжтой байх
5. Зуухыг асаахад хялбар, элдэв төрлийн газ ашигладаггүй байх
6. Зуух нь ердийн түлшээр (түлээ, нүүрс, хагас коксон шахмал түлш) ажилладаг байх
7. Зуухны шаталтын зарчмаа үйлдвэрлэгч өөрөө тайлбарлаж чаддаг байх
8. Импортоор оруулж ирж байгаа бол албан ёсны гэрээт борлуулагчийн гэрээ, зөвшөөрөлтэй байх.
Туршилтанд хамрагдах хүсэлтийг 2013 оны 5 дугаар сарын 22 өдрөөс эхлэн авах ба 5-р сарын 31-ний өдрийн Баасан гарагийн 15:00 цагаар тасалбар болгоно.
Туршилтад хамрагдах зуухыг хүлээн авах газар: СБД-ийн 17-р хороо ШУТИС-ийн харьяа Дулааны техник үйлдвэрийн экологийн хүрээлэн (ДТҮЭХ)-ийн зуухны туршилтын лаборатори.

Холбоо барих

Утас: 318124, Имэйл: Энэ и-мэйл хаягийг спамботоос хамгаалсан. Та үзэхийн тулд JavaScript идэвхжүүлэх хэрэгтэй. , Вэб сайт: www.usip.mn